Mediat holandeze kanë shkruar ditën e djeshme në lidhje me arrestimin e tre të rinjve shqiptar të cilët janë arrestuar pas padisë së një të riu holandez. Ai kishte nxjerrë telefonin në shitje në internat dhe gjithçka ka nisur nga pazari që është bërë online mes të rinjve.
Por prokuroria vendase pasi ka siguruar dëshminë e shtetasit të vet ka mësuar edhe hollësitë e vjedhjes sipas tyre që kanë kryer shqiptarët, në grupin e të cilëve gjendej edhe një basketbollist. Sipas informacione që janë publikuar nga këto media dënimi përfshin orë pune në komunitet ose një sasi dënimi për secilin duke i vënë nën akuzën e vjedhjes! Mediat bënë me dije se një basketbollist me origjinë shqiptare është arrestuar për grabitje me dhunë në Holandë.
H.B., 22 vjeç, së bashku me dy të rinj të tjerë ishin përfshirë në grabitje me dhunë të një celulari në Vilvoorde dhe rrezikojnë 200 orë shërbim në komunitet. Njëri nga të tre pranoi pjesën e tij, dy të dyshuarit e tjerë kundërshtojnë fuqishëm çdo përgjegjësi. Viktima kishte nxjerrë telefonin e tij në shitje në internet dhe kishte një takim me një blerës të interesuar më 27 prill 2021. Edhe blerësi i supozuar doli, por menjëherë e spërkati me spray djegës në fytyrë dhe i mori celularin.
Megjithatë, viktima ishte në gjendje të jepte një përshkrim të sulmuesit të tij dhe të makinës në të cilën ai kishte lëvizur. Kjo i çoi hetuesit tek shqiptari. Policia ka mundur të identifikojë dy të dyshuar të tjerë. Ky i fundit ka rrëfyer se e kishte kryer vjedhjen, por deklaroi se një nga bashkëpunëtorët kishte dijeni për planet e tij. Prokurorët kërkuan një shërbim komunitar prej 200 orësh ose një dënim me burg prej 14 muajsh ndaj të treve. Një nga autorët u pajtua me një urdhër për punë në komunitet, por dy të dyshuarit e tjerë kërkuan lirim.
